laugardagur, apríl 21, 2007

Föstudagar eru svokallaðir "casual Fridays" á verkfræðistofunni og eru þá flestir í gallabuxum og minniháttar skyrtum eða bolum ólíkt fínu buxunum og skyrtunni sem tíðkast aðra daga vikunnar. Í gær skellti ég mér því eins og flesta föstudaga í gallabuxur og í svartan bol með skjaldamerki Íslands. Einn sprelligosinn í vinnunni spurði mig hvaða merki þetta væri nú og eftir að hafa sagt honum að þetta væri skjaldamerki Íslands spurði hann mig

"Why do you have a chicken in your country's symbol?"

Og annar gaurinn spurði:

"And what is Jesus doing there with a gun"

sem mér fannst hvorutveggja mjög fyndið. Að lokum fannst mér fyndnast þegar fyrsti gaurinn leiðrétti spurningu annars og sagði

"That's not Jesus, that's Old Man Winter right?"

Það meikar svo sem alveg sens að Old Man Winter væri í skjaldarmerki Íslands.


Í kvöld eru það tónleikar með Placebo á Fenix en það verður í fyrsta skipti sem ég kem inná þann stað. Þekki svo sem ekkert svakalega mikið af lögum með Placebo en finnst þeir samt nokkuð góðir og vel þess virði að kíkja á. Ekki spillir fyrir að þetta er á frekar litlum stað sem er yfirleitt skemmtilegra.

Svo vantar mig góðar tillögur að frábærri bók til að lesa. Ég er búinn með þrjár bækur í ár sem er klárlega met hjá mér. Ég strengdi áramótaheit í fyrra um að lesa 5 bækur árið 2006 sem varð lítið úr og ég endaði á að lesa aðeins eina, Alkemistann. Bækurnar í ár eru "Höll Minninganna", "The Kite Runner" og "The curious incident of the dog in the nighttime" sem mér fannst allar mjög góðar þó svo að Flugdrekahlauparinn hafi verið langbest.

sunnudagur, apríl 08, 2007

Nú berast fréttir af því að Óttar Völundarson (a.k.a. Miðjan) sé farinn að bjóða upp á leiðsögutúra í Boston undir heitinu "Center-Tours". Að hálfu leyti er Boston kynnt fyrir gestum en einnig leiðir Miðjan gestina í sannleikann um uppruna Miðjunnar og útskýrir hvers vegna oft er talað um hann sem "An Engineering Wonder of the Modern World".


Ekki hef ég verið svo heppinn að fara í þennan túr sem nýtur víst mikilla vinsælla en sameiginlegur vinur okkar Miðjunnar sendi mér þessa mynd sem var víst tekin rétt áður en hádegistúrinn á laugardaginn hófst. Laugardagstúrarnir eru þeir bestu samkvæmt Miðjunni því þá endar túrinn á því að Miðjan tekur gestina út á lífið og sýnir þeim hvernig á að "djamma" í Bustúnum.