ALLT AÐ VERÐA CRAZY Í SEATTLE!!

Helgin fór í Camping ferð með FIUTS sem er stofnun fyrir international stúdenta. Skipulögð dagskrá þar til skólinn byrjar þó svo maður láti nú vera að mæta í allt saman. Svakalegur skiptinemafílingur í þessu öllu saman og manni leið eins og maður væri 14 ára í e-um sumarbúðum. Fyrra kvöldið var varðeldur og þá áttu öll löndin að koma fram og syngja e-ð lag frá landinu sínu. Eins og gefur að skilja er endalaust af löndum þ.a. dagskráin var frekar löng en samt allt í lagi. Við tókum "Ísland ögrum skorið" með nokkrum bröndurum til að hita um crowdið. Gekk fínt. Svo var ball um kvöldið og by the way þá var þetta "non alcoholic" camp. Ótrúlegt hvað fólk var duglegt á gólfinu þarna og sérstaklega asíuliðið sem er í miklum meirihluta. Tók fíflið á þetta og tók e-r asnalegustu spor sem ég hef stigið á ævi minni á gólfinu. Svo var bbq í dag og aftur átti hvert land að æfa e-ð atriði sem átti að flytja. Það var of mikið. Hundleiðinleg atriði, hvert á fætur öðru og atriði okkar með þeim daprari í þetta skiptið (að mínu mati). Eina almennilega var e-r asískur jójó meistari sem var með þvílík move. Ásgeir sem er aldursforsetinn hérna, þótt það sé stundum ótrúlegt, lét meðal annars þau orð falla þegar lélegustu og vandræðalegustu atriðin voru: "djíses strákar, ég er 28 ára".

Fáum íbúðina vonandi á morgun og getum farið að koma okkur fyrir. Orðinn vel leiður á því að búa í ferðatösku og þrátt fyrir að svefninn sé ekki vandamál frekar en fyrri daginn þá langar svolítið að skipta af tjalddýnunni yfir í rúm. Svaf reyndar sem aldrei fyrr í rútunni heim úr camping í dag þ.a. það er ekkert að breytast Gaui. Svo dettur T43 Thinkpad í hús á morgun þ.a. maður verður duglegri á msn og skype-inu.

FAME er komið í úrslitakeppni utandeildarinnar eftir tvo góða sigra í tveimur síðustu leikjunum. Leiðinlegt að missa af þeim síðasta en vel þess virði að fresta fluginu fyrir Melsted leikinn. Fame spilaði víst fyrsta leikinn í kvöld og óstaðfestar fregnir herma að 2-2 jafntefli hafi verið niðurstaðan í leik sem Frægðarmenn áttu að vinna. Gaman væri að heyra frá Frægðarmönnum hér í álitakerfinu.

Heitustu fréttir dagsins eru hins vegar þær að miðar á tónleika Foozer (Foo Fighters + Weezer) eru komnir í hús. HAHA KJARTAN!!!

Ein falleg mynd með félögunum Atla og Dan. Þið giskið á hvor Atli er. Í verðlaun er Bull Chip Cookie frá Puyallup Fair