Græðgin kollríður Sigurði Einarssyni og vini hans í BÍ. Hvað er langt síðan hann var á forsíðum blaðanna út af kaupauka upp á 70 millur eða e-ð. En nei nei. Það er ekki nóg. Fáránlegt að notfæra sér aðstöðu sína svona. Davíð reyndar algjörlega í ruglinu eins og svo oft. Gaurinn er búinn að missa það. Það verður fínt þegar hann tekur til við skriftir. Væri samt fínna ef það væri e-r almennilegur eftirmaður, ekki Halldór Ásgríms.
Mikið stuð hjá Ella í gær. Vorum fyrst á Gauknum en tókum svo Celtic þar sem var mikið sungið. Kom heim milli 4-5 og sturtaði í mig 1L af vatni sem gerði gæfumuninn því ég var eldhress þegar ég vaknaði í morgun-eða eins hress og ég verð á morgnana.
Við slúttuðum okkar hluta af rekstrarfræðiverkefninu í skúrnum hjá Dolla í gær. Maður getur því aðeins farið að tjekka á e-u öðru. Hef ekki opnað námsbók í tæpa viku núna en nú verður hafist handa sem aldrei fyrr.
Við Kenneth og Atli tókum Arann á föstudaginn. Þar voru e-r 5 sextugir kallar gjörsamlega á skallanum. Einn þeirra settist hjá okkur og spurði hvað væri að þjóðfélaginu í dag. Ég svaraði: "Kaupþing-búnaðarbanki" og fékk þá svarið "nei, nei þú ert nú bara e-ð veruleikafirrtur". Svo snéri hann sér að Kenneth og sagði "nei djöfull ert þú kvenlegur. Kemur vændisfrumvarpið sérstaklega við þig" og við gjörsamlega grétum úr hlátri. Við skildum svona 50% af því sem hann sagði því það virtist sem hann hefði týnt gómnum sínum þetta kvöld. Svo þegar Kenneth fékk sér bjór þá fékk sá gamli sér sopa af bjórnum eins og ekkert væri eðlilegra. Atlinn hugsaði sig ekki tvisvar um þá og greip bjórinn sinn og faldi hann undir borðinu það sem eftir lifði af samræðunum. Sjaldan séð Atlann jafnhræddan.
Haukar verða alltaf bestir. Ótrúlegt afrek hjá þeim og þvílíkt jöfnunarmark. Fyrir þá sem hafa ekki séð þetta þá varði Birkir Ívar þegar örfáar sek voru eftir, boltinn fram á Andra Stefan sem fór inn og skoraði með skoti aftur fyrir bak. Þeir eru því komnir áfram því Vardar tapaði fyrir lærisveinum Alla Gísla í dag.
Martin mætti með skikkjuna í gær og plöggaði dvd spilaranum.
Síðasti þátturinn í Nikolaj og Julie í kvöld. Spennan gríðarleg hér.