Þriðji leikur FAME í deildinni endar 0-0 í frekar döprum leik í kvöld. Eina jákvæða við leikinn er hvað það var gott veður. Strákarnir eru alltaf sáttir við að spila bolta í sólinni því það eru ekki allir jafn náttúrulega brúnir og ég. Annars voru margir hverjir nokkuð þunnir í leiknum og ekki í sínu besta ástandi en þrátt fyrir töluverð skrall í gær var ég hinn hressasti þótt ég hafi kannski ekki átt neinn stórleik.
Atli með útskrift í gær og gríðarleg stemmning í partýhöllinni. Partý nánast í öllum húsum í götunni sem runnu eiginlega saman. Hálf sjötug kona fór á kostum í næsta húsi þar sem hún var á veröndinni með gítarinn og söng eins og engill.
Pakkað í bænum í gær og það segir sína sögu þegar maður er farinn að standa í röð fyrir utan Ara í Ö. DJ-inn á Hressó gerði góða hluti þann hálftíma sem ég stoppaði þar því hann spilaði svona 10 frábær lög í röð enda lét Hassi Massi ekki segja sér það tvisvar og gerði allt vitlaust á gólfinu. Enginn ormur en samt allt vitlaust.
Spánverjar úr leik í riðlakeppninni, what else is new? Sviptingar í þessu móti. Portúgal tapar opnunarleiknum en vinnur svo riðilinn og Tékkar í basli með Lettana lengi vel og 2-0 undir gegn Hollandi en eru svo búnir að tryggja sér efsta sætið fyrir lokaumferðina.
Svo ætla ég að fara með bænir í kvöld þess efnis að England komist áfram. Er svartsýnn, hugsa að Króatarnir taki þetta 2-1.